Af hverju lánshæfismat?

‍

• Minni áhætta

Með því að kanna lánshæfismat þeirra aðila sem þú átt í viðskiptum við fæst góð vísbending um getu þeirra til að standa við skuldbindingar sínar og lágmarkar þar með áhættu við ákvarðanatöku

• Markviss ákvarðanataka

Notkun lánshæfismatsins tryggir að ekki er lagt huglægt mat við ákvarðanartöku um viðskipti heldur byggt á hlutlægum upplýsingum frá óháðum aðila. Jafnframt auðveldar það samskipti við viðskiptamenn því ákvarðanataka er rökstudd með tölulegum gögnum fremur en persónulegu mati.

‍Áhrifaþættir í Lánshæfismati fyrirtækja

Sérfræðingar Creditinfo endurskoða lánshæfismatið reglulega til að taka tillit til þeirra þátta sem hafa mest áhrif á vanskil fyrirtækja hverju sinni. Lánshæfismatið er unnið úr öllum þeim gögnum sem Creditinfo hefur aðgang að og er heimilt að nota.

Uppflettingar og vaktanir af innheimtuástæðu

Á hverjum degi eru framkvæmdar um 2.000 uppflettingar á fyrirtækjum í vanskilaskrá Creditinfo af innheimtuástæðu. Slíkar uppflettingar hafa mikið spágildi fyrir vanskil fyrirtækja og hafa þær því mikið vægi við útreikning lánshæfismats fyrirtækja. Þessu til viðbótar eru um 5.000 fyrirtæki vöktuð með tilliti til vanskila af sömu ástæðu. Vert er að taka fram að aðrar uppflettingar á vanskilum eða lánshæfi fyrirtækja hafa mun minni og oft engin áhrif til lækkunar á lánshæfismati.

Fyrri vanskil

Hafi fyrirtæki áður lent á vanskilaskrá hefur það einnig sterk áhrif til lækkunar á lánshæfiseinkunn. Um 5.500 íslensk fyrirtæki eru um þessar mundir með um 20.000 opin vanskilamál. Þetta eru bæði mál frá opinberum aðilum og um 80 aðilum sem senda inn mál fyrir hönd um 1.000 kröfuhafa. Þegar litið er til fyrri vanskila við útreikning lánshæfismats er horft m.a. til sögu vanskila, hvenær þau áttu sér stað, gagnvart hvaða aðila, af hvaða gerð þau eru og upphæðir þeirra.  

Tengsl aðila

Hluthafagrunnur Creditinfo inniheldur helstu eigendur allra félaga á landinu. Fyrirtæki eru tengd saman með ýmsum leiðum og því hafa þau áhrif á lánshæfismat hvers annars. Við útreikning á lánshæfismati eru fyrirtæki flokkuð tengd ef þau eru í eigu sömu einstaklinga eða er stýrt af sömu aðilum. Því getur það haft áhrif á lánshæfismat fyrirtækja ef tengd fyrirtæki hafa gott eða slæmt lánshæfismat.

Ársreikningar

Í gagnagrunnum Creditinfo er hægt að nálgast upplýsingar úr um 550.000 ársreikningum um 60.000 félaga. Breytur úr ársreikningum sem notaðar eru við útreikning lánshæfismats eru m.a. afkoma, lykilhlutföll og skiladagsetningar ársreikninga. Til að leggja mat á lánshæfismat fyrirtækja eru skoðaðar breytingar á milli ársreikninga og eru þeir einnig greindir til lengri tíma til að verðlauna fyrirtæki fyrir stöðugleika yfir langan tíma.

Fyrirtækjaupplýsingar

Ýmsar fyrirtækjaupplýsingar eru teknar til skoðunar við útreikning lánshæfismats. Skoðaðar eru meðal annars upplýsingar um aldur fyrirtækis, fjöldi í stjórn og kynjahlutföll hennar, stofnfé, starfsemi o.fl.

Greiðsluhegðun

Í hverjum mánuði móttekur Creditinfo upplýsingar um greiðslu 30.000 reikninga frá um 12.000 greiðendum úr greiðsluhegðunarkerfi Creditinfo. Við útreikning á lánshæfismati er athugað hversu margir reikningar eru greiddir og hversu tímanlega.

‍

Dreifing aðila eftir lánshæfisflokkum

‍

Fyrirtæki

Út frá lánshæfismati eru fyrirtæki flokkuð niður frá eitt til tíu. Fyrirtæki í flokki eitt eru líklegust til að standa við skuldbindingar en tíu eru ólíklegust.

Einstaklingar 18 ára og eldri

Lánshæfi einstaklinga er metið á kvarðanum A1-E3, þar sem A1 er besta mögulega einkunn og E3 sú lakasta.

Skýrslur um erlend fyrirtæki

Áskrifendur að þjónustuvef Creditinfo hafa aðgang að ítarlegum fyrirtækjaupplýsingum og lánshæfismati erlendra fyrirtækja. Lánshæfisskýrslurnar reynast vel við að meta og draga úr áhættu í viðskiptum milli landa.

Sýnishorn: Erlend skýrsla  VERÐ  6.300 KR.

Creditinfo er einnig umboðsaðili fyrir Dun & Bradstreet Inc og fleiri erlendra aðila á sviði fjárhags- og markaðsupplýsinga, sem hægt er að panta sérstaklega með því að hafa samband.